سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
شه‌هیدان ‌
  شەهید محمد کریم عیسا ---- حمە ڕەش
به‌روار: 09/02/2018


شەهیدم و خاک و نیشتمانم لە ئەستۆی ئێوەدایە .

شەهید محمد کریم عیسا ( حمە ڕەش )

ساڵی ۱۹٥۷ لە گوندی هۆمەرامان سەر بە قەزای قەرەداخ دایکێک کوڕێکی بە کوردستان بەخشی . کوڕێک کە بۆ ئایندەی گەلەکەی مێژوویەک تۆمار بکات ، 
حەمە ڕەش ساڵی ۱۹۷۸ لە هەرێمی قەرەداخ چەکی پێشمەرگایەتی بۆ پاراستنی شەرەفی نیشتمان لەدەست بەعسی یەکان لەشان دەکات ،
پلەکانی پێشمەرگایەتی بەپێی ئازایەتی و لێهاتوویی لە فەرماندەی کەرتی چواری جەباری ،و پاشان کەرتی پێنجی باسەڕە ، ساڵی ۱۹۸٥ بوو بە جێگری تیپ لە ٥۷ سەگرمە .
ساڵی ۱۹۸٦ بوو بە فەرماندەی تیپی ٥۳ شێروانە .

حەمە ڕەش بەشداری و سەرپەرشتی چەندین داستانی قارەمانانەی کردوە لەسنوری جەباری ، هەمەوەند ،باسەڕە ، و گەرمیان ، و شەڕەکانی سەرکردایەتی ،قەیوان ماوەت و داستانی ڕزگاری ، لەداستانی ڕزگاری سەخت ترین شەڕگە کە شاخی کوێڕەنگ بوو تیپی شێروانە گرتی و بەرگری قارەمانانەی تیا کرد ، یەکەم ڕەبایە کە گیرا لەشۆڕشی نوێ لەسەردەستی شەهید حمە ڕەش گیرا ، چەندین جار بریندار بووە بە قورسی و سوکی لەشەڕەکاندا ،بەڵام تادەهات ڕۆحی بەرگری و کوردایەتی لەلای فراوانتر دەبوو ،..
لەشاڵاوی ئەنفال بۆ سەرگەرمیان شەهید دوو جار ڕەتڵی هاوڵاتی و پێشمەرگەی لە گەرمیانەوە گەیاندەوە سنوری قەڵاسێوکە و چەمچەماڵ و خۆی گەڕایەوە قوڵایی گەرمیان و بڕیاری دا وەک پارتیزانێک لەگەڵ مەفرەزەکەی بمێنێتەوە ، حمەڕەش پیاوی هەموو قۆناغەکان بوو هەر زوو لەشاخی ئاشداخ جێگەیەک بۆ مەفرەزەکەی چاک دەکات کە جگە لە هەندێک خەڵکی شارەزا لە ناوچەکە نەیان دەتوانی پەی بەو جێگایە بەرن ، هەرکات ڕژێم ناوچەکەی کێوماڵ دەکرد سەرەڕای زانیاریەکانی هێزە زەبەلاحەکەی ڕژێم نەیان دەتوانی جێگەکانیان دەست نیشان بکەن ، شەهید هەرزوو مشوری ئازوقەی پارتیزانەکانی خوارد و کەوتە پەیوەندی کردن بە ڕێکخراوەکانی ناوشارەوە و پلانی بۆ قۆناغی ئایندە دادەنا ، ئەو هەمیشە ئەیگوت ئەمساڵ ساڵی حەسمە . ئەوەندە بە گەشبینی دەیروانیە ئایندە لەدوای ئەنفالیش ساڵ بەساڵ ئەیگوت هەر کێشەکە حەسم دەکەین .
ساڵی ۱۹۸۹ بەسەردانێک لەگەڵ مەفرەزەیەک گەیشتە سنورەکانی ئێران و پاش ماوەیەکی کورت لە پشوو دان کەوتە مشور خواردن بۆ پەیدا کردنی مەفرەزەی پارتیزان و ناردنی ئازوقەو تەقەمەنی بۆ قوڵایی گەرمیان ،،
ساڵی ۱۹۹۰ دیسان گەڕایەوە گەرمیان و ئەمجارە جگە ئەرکی پێشمەرگانە کەوتە هاندانی جەماوەرو دروست کردنی شانە چەکدارەکان بۆ قۆناغی ڕاپەڕین .
شەهید حمەڕەش لەگەڵ چەخماخەی ڕاپەڕین وەک پیشەی هەموو کات سەخت ترین ناوچەی هەڵبژارد کە ناوچەی داودەو دوز خورماتوو بوو ، ئەم ناوچەیە جگە لەهێزەکانی ڕژێم پڕ بوون لە هێزەکانی موجاهیدینی خەلق .
بەداخەوە لە ڕۆژی ۱۹۹۱/۳/۱۱ لە شەڕێکی قارەمانانە لەگەڵ هێزەکەی ڕژێم و موجاهیدین زۆر بەسەختی بریندار دەبێت و هەرهەمان ڕۆژ بەهۆی برینەکەوە گیان دەسپیرێ بەخاکی پیرۆزی کوردستان و شەهید دەبێت