سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
کوردستان ‌
  شەڕڤانان چوار گوندیان کۆنتڕۆڵکردەوە
به‌روار: 30/04/2018
هێزەکانی سوریای دیموکرات کۆنتڕۆڵکردنەوەی چوار گوندی سەر بە دێرزور راگەیاند، کە پێشتر لەلایەن سوپای رژێمی سوریاوە کۆنتڕۆڵکرابوو.

هێزەکانی سوریای دیموکرات (هەسەدە) لە راگەیەندراوێکیدا کۆنتڕۆڵکردنەوەی چوار گوندی سەر بە دێرزور راگەیاند، کە سوپای رژێمی سوریا لە هێرشی بەرەبەیانی ئەمڕۆدا بۆسەر هێزەکانی هەسەدە دەستیبەسەردا گرتبوون.

بەرەبەیانی ئەمڕۆ هێزەکانی سوپای سوریا، هێرشیان کردە سەر یەکەکانی هێزەکانی سوریای دیموکرات و لە ئاکامیشدا رووبەڕووبوونەوەی سەخت لەنێوان هەردوولادا روویدا و سوپای سوریا توانی دەستبەسەر چوار گونددا بگرێت، بەڵام دواتر لە ئەنجامی هێرشی پێچەوانەی شەڕڤانانی هەسەدەوە توانرا چوار گوندەکە کۆنتڕۆڵبکرێتەوە.

ساڵی پار هێزەکانی سوریای دیموکرات پانتاییەکی زۆریان لە خۆرهەڵاتی رووباری فورات لە دەستی تیرۆریستانی داعش رزگارکرد، کە ناوچەکەش سامانی نەوتی تێدایە.

هێرشی سوپای سوریا بۆسەر هەسەدە هاوکاتە لەگەڵ هەوڵەکانی دیمەشق بۆ دەستبەسەرداگرتنەوەی ئەو ناوچانەی کە لەژێر دەستی هێزەکانی ئۆپۆزسیۆندان.