سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
جیهان ‌
  هێزێكی نوێی توركیا گەیشتنە نێو خاكی سوریا
به‌روار: 09/01/2018

سەرچاوە ئاگادارەكان باس لە چوونی هێزێكی نوێی سەربازی توركیا بە چەك و جبەخانەی قورسەوە بۆ باكووری سوریا دەكەن.

رۆژنامەی (عەرەبی جەدید) بڵاویكردۆتەوە، هێزێكی نوێی سەربازی توركیا بە چەك و جبەخانەی زۆرەوە گەیشتوونەتە باكووری سوریا.
سەرچاوەكان ڕاشیانگەیاندووە، كە گروپێكی سەربازی توركیا بە چەك و جبەخانەی سەربازییەوە لە خاڵی سنووری (كەفرلسیۆن) لەباكووری ئیدلەب تێپەڕبوون و رێگەی ناوچەی (جەبەل سەمعان) لە نزیكی شاری (دارە غەزە) لە رۆژئاوای حەلەب جێگیربوونە.

بەپێی زانیارییەكان چوونی ئەو هێزەی سوپای توركیا بۆ ناوەوەی قوڵایی خاكی سوریا بەپێی ڕێككەوتنی ئەم دواییە بووە لە دانیشتنی ئەستانە لە نێوان وڵاتانی هەرێمی كە بۆ داهاتووی سوریا ئەنجام درابوو. رۆژنامەی ناوبراو باسی لەوەش كردووە كە سوپای توركیا هەوڵ دەدا كە هێزەكانی لە ناوچەی عەفرین تۆكمەتر بكات، هەر بۆیە بەردەوام هێزە جێگرەكانی لەو ناوچەیەو لە رۆژئاوای حەلەب دەگۆڕێت.

ئەوە لە كاتێكدایە كە سوپای سوریا بەرەو میحوەری باشووری رۆژهەڵاتی پارێزگای ئیدلەب لە پێشڕەوی دایەو ڕاپۆرتەكان باس لەوە دەكەن كە چەكدارەكانی (ئەحرار ولشام) لەو ناوچەیە بۆ بەرەنگاربوونەوەی هێزەكانی سوپای سوریا لە ئامادەباشیدان.

شایانی باسە هێزەكانی سوپای سوریا لە ئێستادا گەیشتوونەتە دووری (20) كیلۆمەتری بنكەی سەربازی (ئەبوو زوهور) لە رۆژهەڵاتی ئیدلەب.