سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
له‌میدیاکانه‌وه‌ ‌
  تورکیا پیلانی داگیرکردنی خاکی باشوری کوردستانی هەیە
به‌روار: 18/12/2017


قەرەیلان وتی: شەوی ڕابردوو فڕۆکە جەنگییەکانی سوپای تورک ناوچەی خواکورکیان بۆ ماوەیەکی درێژ بۆردومانکرد، هێرشی ئاسمانی کرایە سەر ناوچەکانی گەلیی ڕەش، کانی ڕەش، ئەڤدال کۆڤی و دەشتی حەیات، هەندێک لەو ناوچانەی بە خاکی باشوری کوردستان دادەنرێن لەلایەن حکومەتی تورکەوە داگیرکراون، ئێستاش لە دەشتی حەیات و گردی سرۆ و گردەکانی ماڤان سوپای تورکی لێیە، بەڵام ئەو ناوچانە گەریلایان لێ نییە، ئەو ناوچانە زەوییەکی نزمییان هەیە و وەکو دەشت وان، دەکەونە دەوروبەری خواکورکەوە، نەک خۆی خواکورک.

 

لە بەردەوامیشدا وتی: دوژمن چونکە دەترسێت سەرەتا خواکورکی بۆردومانکرد و پاشان سەربازەکانی لەو ناوچانەدا دانا، ئێستا گردی سرۆ گیراوە، پێشتر کەسی لێ نەبوو، هیچ گەریلایەک لەو گردە نەبووە، ئەوە ڕوویدا بەم شێوەیە بوو، بەڵام ئەوەی لە ئەگەری بەرفراوانبوونی ئۆپەراسیۆنەکەدا سوپای تورک بەرەو خواکورک هێرشبکات یان نا، جارێ ڕوون نییە.

 

دەشڵێت: ئەگەر بەرەو خاکورک پێشڕەی بکەن ڕووبەڕووی بەرخۆدانی گەورەی گەریلا دەبنەوە، شەڕ ڕوودەدات، بەم ئاسانیانە ناتوانن خۆیان بگەیەننە خواکورک، ئەوە نەک تەنیا ئاسن نییە، بەڵکو نامومکینە، ئێستا گەلیی ڕەش و ئاوی حاجی بەگیان تێپەڕاندووە، ئەو گردانە هی خاکی باشوری کوردستانن، دەڵێن حکومەتی هەرێم و حکومەتی عێراقیش لەوێ هەن، ئەگەری هەیە ئەو قسەیە ڕاست بێت،

 

قەرەیلان زیاتر دواو وتی: ئەگەر ڕاستە بۆ ڕێگایان بە سوپای تورک داوە بچێتە ناو خاکیانەوە، ئەو گردە دەکەوێتە سێگۆشەوە، هەر هێزێک ئەو گردە کۆنتڕۆڵ بکات کۆنترۆڵی بە سەر هەموو ناوچەکەدا دەبێت، ئەوە جێگای ڕەخنەیە، کە چۆن ڕێگا دەدرێتە سوپای تورک بێت و گردێک بەو گرنگییە بگرێت، بەڵام ئێمە لەو گردە نەبووین و کۆنتڕۆڵمان نەبوو بە سەریدا پێشتر، چوونیان بۆ سەر ئەو گردە وادەکات بتوانن هەموو شتێکی خەڵک لە هاتوچۆوە تا بازرگانییەکانیان کۆنتڕۆڵبکەن، هەڤاڵانمان بە وردی چاودێری دۆخەکە دەکەن، ئەگەر نیازی پێشڕەوییان هەبێت شەڕی گەورە ڕوودەدات.