سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
کوردستان ‌
  یەپەگە رزگاركردنی ریفی دێرەزوری بە تەواوەتی راگەیاند
به‌روار: 04/12/2017
یەكینەكانی پاراستنی گەل "یەپەگە" رزگاركردنی ناوچەی ریفی رۆژهەڵاتی شاری دێرەزوریان بە تەواوەتی لە دەستی داعش راگەیاند و ئاماژە بەوەش دەکەن كە ئامادەن بۆ شەڕی داعش، ژوری ئۆپەراسیۆنی هاوبەش دروست بكەن.

فەرماندەی گشتی یەپەگە لە بەیاننامەیەكدا لە گەرەكی سالحییە لە باكوری شاری دێرەزور رزگارکردنەکەی راگەیاند بەئامادەبوونی نوری مەحمود وتەبێژی یەپەگە و لیلوی عەبدولڵا وتەبێژی ئۆپەراسیونی گەردەلولی جەزیرەی سەر بە هێزەكانی سوریای دیموكرات، هەروەها شاندێکی روسی بە سەرۆكایەتی ژنەراڵ ئەلیكس كیم جیگر فەرماندەی بنكەی حمەیمیم-ی سەربازی سەرەكی روسی.

فەرماندەی گشتی یەپەگە باسی لەوەش کرد كە بە هاوكاری عەشاییرە عەرەبەكان لە ناوچەكە و پشتیوانی و هاوكاری هێزەكانی روسیا و هاوپەیمانی نێودەوڵەتی بە سەرۆكایەتی ویلایەتە یەكگرتووەكانی ئەمەریكا ناوچەی ریفی رۆژهەڵاتی پارێزگای دێرەزوریان لە دەستی داعش رزگار كردوە.