سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
عێراق ‌
  سوپای عێراق: ١٦ گوندی دەوروبەری حەویجە و بەشی باشوری زنجیرە چیای حەمرین کۆنترۆڵکرانەوە
به‌روار: 02/10/2017

فەرماندەیی ئۆپراسیۆنەکانی کۆنترۆڵکردنەوەی حەویجە ڕایگەیاند، هێزەکانیان توانیویانە کۆنترۆڵی ژمارەیەک گوندی نوێ و بەشی باشوری زنجیرە چیای حەمرین بکەن، کە هاوکاتە لەگەڵ کۆتایی هاتنی بەشی سێهەمی قۆناغی دووەمی ئۆپراسیۆنی کۆنترۆڵکردنەوەی حەویجە.

 عەبدولئەمیر ڕەشید یارەڵا لە بەیاننامەیەکدا ڕایگەیاند، هێزەکانی دژە تیرۆر و چەند لیوایەکی هێزەکانی حەشد شەعبی توانیویانە گوندەکانی کەنعان و مەیدانی باشور و باکور و رەفیع و حەمیسە و عەرەب هەجول و جەفار و عەون و عیزەدین شاکریان لەدەستی چەکدارانی داعش کۆنترۆڵ بکەنەوە.

یارەڵا ئاماژەی بەوەکرد، لەلایەکی ترەوە هێزە هاوبەشەکان کۆنترۆڵکردنەوەی گوندەکانی عەرکوبە و عەواشرە و ئیبراهیم ساڵح و بەستە و سکون و فەلاح فەرحان و موبەدەد و عەین منات و بەشی باشوری زنجیرە چیای حەمرینیان کۆنترۆڵکردووەتەوە.

ئەوە لە کاتێکدایە دوێنی ٣٠ ئەیلول ئەحمەد ئەسەدی وتەبێژی هێزەکانی حەشدی شەعبی ڕایگەیاند، هێزەکانیان و سوپای عێراق لە ئێستادا تەنها ١٣ کیلۆمەتر دوورن لە سەنتەری قەزای حەویجەی خۆرئاوای کەرکوکەوە.

بەرەبەیانی ڕۆژی ٢١ی ئەیلول حەیدەر عەبادى فەرماندەى گشتى هێزە چەکدارەکانى عیراق دەستپێکردنى قۆناغی یەکەمی ئۆپراسیۆنى حەویجەى ڕاگەیاند و هێزە عیراقییەکان لە شەرگاتەوە بەرەو ناحیە و گوندەکانی حەویجە پێشرەویان دەستپێکرد.

حەویجە زۆربەی دانیشتوانەکەی سوننە مەزهەبن و ژمارەیان نزیکەی ٣٢٥ هەزار کەس دەبێت، جگە لەو ژمارە زۆرەى کە لە ڕابردوودا ئاوارەى کەرکوک و دەوروبەرى بوون نەتەوە یەکگرتووەکان پێشبینی کردووە، نزیکەى ٨٥ هەزار کەسى دیکە بەهۆى ئۆپراسیۆنەکەوە ئاوارە ببن، بەرپرسانی پارێزگاکەش دەڵێن ئامادەکارییان بۆ پێشوازیکردن لە ئاوارەکان کردووە و ترسیش هەیە چەکدارانى داعش خۆیان تێکەڵ بە ئاوارەکان بکەن.

زیاتر ...‌
دكتۆر فوئاد مه‌عسوم سه‌رۆك كۆماری عیراق بروسكه‌یه‌كی ماته‌مینیی ئاڕاسته‌ی فه‌خامه‌تی سه‌رۆكی میسر عه‌بدول فه‌تاح سیسیی كردوه‌ بۆ قوربانیانی ئه‌و ده‌ست...
23/10/2017
وەزارەتی دەرەوەی ئەمەریکا بەیاننامەیەکی سەبارەت بە ڕەوشی دەوروبەری کەرکوک بڵاوکردەوە...
21/10/2017
په‌ڕه‌یله‌ 20
ژماره‌ی بابه‌ت